வேலை நிறுத்த போராட்டத்தில் குதித்த ராமேஸ்வரம் மீனவர்கள்

இலங்கை கடற்படையால் சிறைபிடிக்கப்பட்ட 27 தமிழக மீனவர்களையும், 5 விசைப்படகுகளையும் விடுவிக்கக் கோரி இன்று முதல் காலவரையற்ற வேலை நிறுத்த போராட்டத்தை இராமேஸ்வரம் மீனவர்கள் அறிவித்துள்ளனர். நெடுந்தீவு மற்றும் தலைமன்னார் அருகே மீன்பிடித்துக்கொண்டிருந்த 27 மீனவர்களை கைது செய்த இலங்கை கடற்படையினர், 5 விசைப்படகுகளை பறிமுதல் செய்தனர். இந்நிலையில் மீனவர்களை விடுவிக்க கோரி காலவரையற்ற வேலை நிறுத்தத்தை அறிவித்த மீனவர்கள், பல்வேறு கோரிக்கைகளை வலியுறுத்தி வரும் 18-ம் தேதி பாம்பன் பாலத்தை முற்றுகையிடும் போராட்டத்தில் ஈடுபடவுள்ளதாக தெரிவித்துள்ளனர்.