மனைவியை ரத்த வெள்ளத்தில்..குளித்த கணவன்.. பகீர் வாக்குமூலம் - ஆடிப்போன ராமேஸ்வரம்

ராமேஸ்வரம் அருகே மனைவியை அடித்து கொலை செய்து, வீட்டுக்கு முன்பாக குழி தோண்டி புதைத்து நாடகமாடிய கணவனை போலீசார் கைது செய்துள்ளனர்.

ராமேஸ்வரத்தை அடுத்த ஏரகாடு பகுதியை சேர்ந்தவர் தர்மராஜ். இவர் தனது மனைவி தனலட்சுமியுடன் தகராறு ஏற்பட்டபோது, சுத்தியலால் தாக்கி கொலை செய்து வீட்டின் முன்பாக குழி தோண்டி புதைத்துள்ளார். அந்த இடத்தில் தடயம் தெரியக்கூடாது என்பதற்காக தண்ணீர் ஊற்றியதை பார்த்த அக்கம் பக்கத்தினர், சண்டைக்குப் பிறகு தனலட்சுமியை காணவில்லை என போலீசாருக்கு தகவல் அளித்துள்ளனர். போலீசார் சென்று விசாரித்த போது, குளித்துக்கொண்டிருந்த தர்ம‌ராஜ், தனது மனைவி வெளியே சென்றிருப்பதாக கூறி நாடகமாடியுள்ளார். அவரது பேச்சில் சந்தேகம் ஏற்பட்டதால், காவல்நிலையம் அழைத்துச் சென்று துருவித் துருவி விசாரித்த‌போது, கொலை செய்து புதைத்த‌தை ஒப்புக் கொண்டுள்ளார். இதையடுத்து, சம்பவ இடத்திற்கு அழைத்துச் சென்ற போது, அக்கம்பக்கத்தினர் தர்ம‌ராஜை தாக்கினர். அவர்களிடம் இருந்து காப்பாற்றி அழைத்துச் சென்ற போலீசார், வட்டாட்சியர் முன்னிலையில், புதைத்த இடத்தை தோண்டி தனலட்சுமியின் உடலை கைப்பற்றி பிரேத பரிசோதனைக்காக அனுப்பி வைத்தனர்.