"முதல்வர் ஸ்டாலின் ஆட்சியில் எங்கு பார்த்தாலும் மழை" - அமைச்சர் துரைமுருகன் பேச்சு

"முதல்வர் ஸ்டாலின் ஆட்சியில் எங்கு பார்த்தாலும் மழை" - அமைச்சர் துரைமுருகன் பேச்சு

சட்டப் பேரவை கூட்டத் தொடரின் இறுதி நாளான இன்று வினாக்கள் விடைகள் நேரத்தில் பேசிய கடலூர் எம் எல் ஏ ஐயப்பன், தென்பெண்ணை, கெடிலம் ஆறுகளில் ஏற்பட்ட வெள்ளப்பெருக்கால் மக்கள் கடும் சிரமத்திற்கு ஆளான நிலையில், கரைகளை சீரமைத்துத் தருமாறு கோரிக்கை விடுத்தார்.

இதற்கு பதிலளித்து பேசிய அமைச்சர் துரைமுருகன், தமிழ்நாட்டில் சில ஆண்டுகளாக மழை பெய்யாததால் கரை உடையவில்லை எனவும், ஆனால் முதல்வர் ஸ்டாலின் ஆட்சிக் காலத்தில் மழையோ மழை என பெய்து எங்கு பார்த்தாலும் வெள்ளம் கரை புரண்டோடுவதாகவும் அமைச்சர் துரைமுருகன் தெரிவித்தார்.

மேலும் முக்கியத்துவத்தின் அடிப்படையில் சீரமைப்பு பணிகள் நடைபெற்று வருவதாகவும் அவர் குறிப்பிட்டார்.