தமிழகத்தின் 80 இடங்களில் ரெய்டு...விடிய விடிய சலித்தெடுக்கும் ஐ.டி.

அமைச்சர் எ.வ.வேலு தொடர்புடைய இடங்களில் ஐ.டி. சோதனை

3வது நாளாக தொடரும் வருமான வரித்துறை சோதனை

80க்கும் மேற்பட்ட இடங்களில் தொடரும் சோதனை

வீடுகள், கல்வி நிறுவனங்களில் அதிகாரிகள் சோதனை

அமைச்சர் எ.வ.வேலுவுக்கு தொடர்புடைய இடங்களில், மூன்றாவது நாளாக வருமான வரித்துறையினரின் சோதனை நடைபெற்று வருகிறது.

தமிழக பொதுப்பணித்துறை அமைச்சர் எ.வ.வேலுவுக்கு தொடர்பான 80-க்கும் மேற்பட்ட இடங்களில் வருமான வரித்துறையினர் சோதனை நடத்தி வருகின்றனர். சென்னை, திருவண்ணாமலை உள்ளிட்ட பகுதிகளில் ஐ.டி. சோதனை நடைபெற்று வருகிறது. திருவண்ணாமலையில் உள்ள அமைச்சர் எ.வ.வேலுவுக்கு சொந்தமான கல்வி நிறுவனங்கள் மற்றும் அவரது வீட்டில் சோதனை தொடர்கிறது. மேலும் கீழ்நாச்சிபட்டு பகுதியில் உள்ள அமைச்சரின் மகன் வீட்டிலும் வருமான வரித்துறையினர் சோதனை மேற்கொண்டனர். இந்த சோதனை இரண்டாவது நாளின் நள்ளிரவையும் தாண்டி மூன்றாவது நாளாக தொடர்ந்து நடைபெற்று வருகிறது.