தமிழகத்தை உலுக்கிய என்கவுண்டர்.."ரவுடி முதுகில் குத்திய காதலி, சகோதரி"

தமிழகத்தை உலுக்கிய என்கவுண்டர்.."ரவுடி முதுகில் குத்திய காதலி, சகோதரி" - ரூ.10 லட்சத்தால் தெரியவந்த நிஜமுகம்

போலீஸ் என்கவுண்டரில் சுட்டுக்கொல்லப்பட்ட ரவுடி துரையின் சகோதரி மற்றும் அவரது காதலியை கைது செய்த போலீசார், அவர்களிடமிருந்த 10 லட்ச ரூபாய் பணத்தை பறிமுதல் செய்தனர் கடந்த மாதம் புதுக்கோட்டையில் ரவுடி துரைசாமி போலீசாரின் என்கவுண்டரில் சுட்டுக்கொல்லப்பட்டார். இந்நிலையில், அவரது உறவினரான மாற்றுத்திறனாளி முருகேசன், துரையை அவரது சகோதரி சசிகலா மற்றும் காதலி அனுராதா ஆகியோர் தான் காட்டிக்கொடுத்ததாக கூறி வந்துள்ளார். இதனால், இருவரும் முருகேசனை அடித்து துன்புறுத்தி, அவரிடமிருந்து 10 லட்ச ரூபாய் பணத்தையும், ஏடிஎம் கார்டுகளையும் பறித்து சென்றுள்ளனர். புகாரின் பேரில் இருவரையும் கைது செய்த போலீசார், அவர்களிடமிருந்த பணத்தை வருமான வருத்துறையினரிடம் ஒப்படைத்தனர். மேலும், தாக்குதலுக்கு பயன்படுத்தப்பட்ட கத்தி மற்றும் கட்டையையும் கைப்பற்றிய போலீசார், இருவரையும் நீதிமன்றத்தில் ஆஜர்படுத்தி சிறையில் அடைத்தனர்.