பொதுத்தேர்வு எழுதி முடித்த மாணவர்கள் கவனத்திற்கு - வெளியான அறிக்கை

பதினொன்றாம் வகுப்பு பொதுத்தேர்வு எழுதி, விடைத்தாள் நகல் கேட்டு விண்ணப்பித்த மாணவர்களுக்கு, நாளை விடைத்தாள் நகல்கள் வெளியாக உள்ளது. இதுதொடர்பாக அரசுத் தேர்வுகள் இயக்ககம் வெளியிட்ட அறிக்கையில், விடைத்தாள் நகலினை நாளை பிற்பகல் 3 மணி முதல், தேர்வுத்துறை இணையதளத்தில் இருந்து பதிவிறக்கம் செய்து கொள்ளலாம் என தெரிவிக்கப்பட்டுள்ளது. விடைத்தாள் நகலினை பதிவிறக்கம் செய்த பிறகு, மறுகூட்டல் அல்லது மறுமதிப்பீட்டிற்கு விண்ணப்பிக்கும் மாணவர்கள், Application for Retotalling - Revaluation என்ற பக்கத்தில் விண்ணப்பத்தை பதிவிறக்கம் செய்ய வேண்டும். விண்ணப்பப் படிவத்தினை பூர்த்தி செய்து, மே 31 முதல் ஜூன் 4-ஆம் தேதி வரை, மாவட்ட அரசுத் தேர்வுகள் உதவி இயக்குநர் அலுவலகத்தில் ஒப்படைக்க வேண்டும் வேண்டும் என்றும் தெரிவிக்கப்பட்டுள்ளது. மறுகூட்டல் மற்றும் மறுமதிப்பீட்டிற்கான கட்டணத்தினை அங்கே நேரடியாக செலுத்தலாம் என்றும் தெரிவிக்கப்பட்டுள்ளது.