புதுச்சேரியில் நடக்கும் "கோட்" திரைப்பட படப்பிடிப்பு "கோட்" திரைப்படத்தின் இறுதி கட்ட படப்பிடிப்பு விறுவிறு ஒன்றன் மீது ஒன்று மோதி விழுந்த கார்கள் வெடித்து சிதறி தீ பிடித்து எரிந்த கார்

வெங்கட் பிரபு இயக்கத்தில் நடிகர் விஜய் நடிக்கும் கோட் திரைப்படம் முடியும் தருவாயில் உள்ளது. புதுச்சேரியில் உள்ள ஏ.எப்.டி பஞ்சாலை, கடற்கரை சாலை, பழைய துறைமுகம், சினிமா நகரம், உள்ளிட்ட பகுதிகளில் நடிகர் விஜய் நடிக்கும் காட்சிகள் படமாக்கப்பட்டது. இந்த நிலையில் இறுதிகட்ட சண்டை காட்சிகளை படமாக்கும் பணியில் கோட் படக்குழு இறங்கியுள்ளது. புதுச்சேரி பழைய துறைமுக வளாகத்தில் நடைபெற்ற சண்டை காட்சியில் ஒரு கார் மற்றொரு கார் மீது விழுவது போன்ற காட்சிகள் படமாக்கப்பட்டது. அப்போது பயங்கர சத்தம் கேட்டதால் பழைய துறைமுகத்திற்கு அருகே வசிப்பவர்கள் அச்சம் அடைந்தனர். அதேபோல் நள்ளிரவு நேரத்தில் புதுச்சேரி கிழக்கு கடற்கரை சாலை மற்றும் சிவாஜி சிலை முன்பு சண்டை காட்சிகள் படமாக்கப்பட்டது.

அந்த காட்சியில் நடு சாலையில் கார் வெடித்து சிதறி தீப்பற்றி எரிவது போன்ற காட்சிகள் படமாக்கப்பட்டது.