போலீசிடம் நெஞ்சை நிமிர்த்தி கத்தியை சொருகுவது போல் வாலிபர் ஆக்‌ஷன்.. அதிர்ச்சி காட்சிகள்

திருப்பத்தூர் மாவட்டம் விண்ணமங்கலம் பகுதியில், காவலரை தாக்க முயலும் போதை ஆசாமியின் வீடியோ வைரலாகி வருகிறது. விண்ணமங்கலம் தேசிய நெடுஞ்சாலையில் 3 பேர் மது அருந்தி கொண்டிருந்தனர். ரோந்து பணியில் இருந்த காவலர்கள், அவர்களை அங்கிருந்து போகுமாறு தெரிவித்தனர். அப்போது போதை ஆசாமிகள் போலீசாரிடம் வாக்குவாதத்தில் ஈடுபட்டு, தாக்க முயன்றனர். இந்நிலையில், கென்னடி குப்பம் பகுதியை சேர்ந்த அப்பு, லாரி ஓட்டுனர் சஞ்சய் ஆகிய 2 பேர் கைது செய்யப்பட்டு, சிறையில் அடைக்கப்பட்டனர். தப்பியோடிய மேலும் ஒருநபரை தேடும் பணி நடைபெற்று வருகிறது.