பலநாள் பகையை வெறியோடு காத்திருந்து தீர்த்த மதுரை இளைஞர் - செய்த பயங்கரம்.. பதிவான வீடியோ

பலநாள் பகையை வெறியோடு காத்திருந்து தீர்த்த மதுரை இளைஞர் - செய்த பயங்கரம்.. பதிவான வீடியோ

முன்விரோதம் காரணமாகக் கல்லூரி மாணவன் பெட்ரோல் வெடிகுண்டு வீசிய சம்பவம் பரபரப்பை ஏற்படுத்தியுள்ளது.

மதுரை மாவட்டம் சோழவந்தானை அடுத்துள்ள சங்கக்கோட்டை பகுதியைச் சேர்ந்த முத்தையா என்பவருக்கும் அதே பகுதியைச் சேர்ந்த மாதவன் என்பவருக்கும் இரண்டு ஆண்டுகளுக்கு முன் தகராறு ஏற்பட்டுள்ளது. அப்போது அங்கிருந்தவர்கள் இருவரையும் சமாதானப்படுத்தி அனுப்பியுள்ளனர். இந்த தகராறில் மாதவனுக்கு ஆதரவாக அதே பகுதியைச் சேர்ந்த மதன்குமார் செயல்பட்டு இருக்கிறார். இதனால் முத்தையா, மதன்குமாருடன் அடிக்கடி தகராறில் ஈடுபட்டு வந்ததாகக் கூறப்படுகிறது.இந்த நிலையில் தீபாவளி பண்டிகைக்கு முன் தினம் மீண்டும் இருவருக்கும் தகராறு ஏற்பட்டு இருக்கிறது. இதனால் ஆத்திரமடைந்த முத்தையாவின் மகன் விக்னேஸ்வரன் கடந்த ஞாயிற்றுக்கிழமை மதன்குமார் வீட்டின் முன் பெட்ரோல் வெடி குண்டு வீசி இருக்கிறார்.

அது பலத்த சத்தத்துடன் மதன்குமார் வீட்டின் முன் விழுந்து வெடித்துள்ளது.இதில் அவரது வீட்டிலிருந்த யாருக்கும் எந்த விதமான காயமும் ஏற்படவில்லை. இந்த சம்பவம் தொடர்பாக வழக்குப் பதிவு செய்த போலீசார் அருகில் இருந்த சிசிடிவி காட்சிகளை ஆய்வு செய்தனர். அதில் பெட்ரோல் வெடிகுண்டை வீசியது முத்தையாவின் மகன் விக்னேஸ்வரன் தான் எனத் தெரியவந்தது. இதனைத் தொடர்ந்து போலீசார் தலைமறைவான விக்னேஸ்வரனை போலீசார் கைது செய்தனர். விக்னேஸ்வரன் அருகில் உள்ள கல்லூரியில் இரண்டாம் ஆண்டு படித்து வருவதும் குறிப்பிடத்தக்கது.