பக்கத்து வீட்டு படுக்கையை எட்டி பார்த்து கொடூரன் செய்த பயங்கரம் - டெல்டாவை குலைநடுங்க விட்ட சம்பவம்

பக்கத்து வீட்டு படுக்கையை எட்டிபார்த்து வெறிபிடித்த கொடூரன் செய்த பயங்கரம் - டெல்டாவை குலைநடுங்க விட்ட சம்பவம்

பக்கத்து வீட்டின் படுக்கையறையை எட்டிப் பார்த்ததால் திட்டு வாங்கிய ஆத்திரத்தில், பெண் ஒருவரை கொடூரமாக கொலை செய்த சம்பவம் பட்டுக்கோட்டையை அதிரச் செய்திருக்கிறது.

கன்னாபின்னாவவென தாக்குதல் நடத்தி கம்பத்தில் கட்டி வைக்கப்பட்டிருக்கும் இந்த நபரின் கோர முகமும், உறவை இழந்து தவிக்கும் இவர்களின் அழுகுரலும்.. தஞ்சாவூர் மாவட்டம் பட்டுக்கோட்டையை அடுத்த நடுவிக்கோட்டையை பதற வைத்திருக்கிறது...

நடுவிக்கோட்டை இந்திரா நகர் பகுதியைச் சேர்ந்தவர்தான் இந்த ஆரோக்கியதாஸ்...

திருமணமாகி இரு பிள்ளைகள் உள்ள நிலையில், இவரின் மனைவி வெளிநாட்டில் பணி புரிந்து வருவதாக கூறப்படுகிறது...

இந்நிலையில் பிள்ளைகளுடன் வசித்து வந்த ஆரோக்கியதாஸ், பக்கத்தில் வசிப்போரின் வீடுகளில் அந்தரங்கங்களை நோட்டமிட்டு வந்ததில்தான் இந்த விபரீதம்...

தன் பக்கத்து வீட்டில் வசித்து வந்த ராஜா என்பவரின் வீட்டு படுக்கையறையை எட்டிப் பார்த்திருக்கிறார் ஆரோக்கியதாஸ்..

இதைப்பார்த்து திடுக்கிட்ட ராஜா.. ஆரோக்கியதாஸை கடுமையாக திட்டி எச்சரித்தாக கூறப்படுகிறது...

இதனால் ஆத்திரத்தில் இருந்த ஆரோக்கியதாஸ், ராஜாவை பழிவாங்க அவரது மனைவி ரோஜாவை தொடர்ந்து நோட்டமிட்டு இந்த கொடூரத்தை அரங்கேற்றி இருக்கிறார்...

வீட்டருகேயுள்ள குறுகிய சந்தில், ரோஜா வந்து கொண்டிருந்த நிலையில், அவரை வழிமறித்து ஆபாசமாக பேசி அத்துமீறியிருக்கிறார்..

இதனால், அதிர்ச்சியடைந்த ரோஜா, செய்வதறியாது கத்தி கூச்சலிட்ட நிலையில், பயத்தில் கையில் மறைத்து வைத்திருந்த அரிவாளை எடுத்து அவரை ஆரோக்கியதாஸ் கழுத்தறுத்து கொன்றது பெரும் அதிர்ச்சியை ஏற்படுத்தி இருக்கிறது.

அலறலைக் கேட்டு ஓடி வந்த அக்கம்பக்கத்தினர், ரோஜாவை ரத்த வெள்ளத்தில் சடலமாக கண்டு உறைந்து போயிருக்கின்றனர்..

உடனே, தப்பியோடிய ஆரோக்கியதாஸை பிடித்து கண்மூடித்தனமாக தாக்கிய மக்கள், கம்பத்தில் கட்டி வைத்து போலீசில் ஒப்படைத்திருக்கின்றனர்..

இரு பிள்ளைகளுக்கு தாயான இளம் பெண்ணை, பட்டப்பகலில் கழுத்தறுத்து வெட்டிக் கொன்றிருக்கும் இந்த சம்பவம் பட்டுக்கோட்டை மற்றும் அதனை சுற்றியுள்ள பகுதிகளில் பெரும் பரபரப்பை ஏற்படுத்தியுள்ளது.