பரமக்குடியில் பயங்கரம்.. அதிர்ச்சி காட்சிகள் | paramakudi | Bike

பரமக்குடியில் பயங்கரம்.. அதிர்ச்சி காட்சிகள்

பெட்ரோல் காலியாகி நின்ற பைக்கை, டோவ் செய்து உதவ மறுத்ததால் இரு தரப்பினர் மோதிக்கொண்ட சம்பவம் ராமநாதபுரம் மாவட்டம் பரமக்குடி அருகே பரபரப்பை ஏற்படுத்தியுள்ளது. பரமக்குடி அடுத்த பாண்டியூர் கிராமத்தில் நடந்த இந்த மோதலில், அக்கிராமத்தின் வழியே பைக்கில் வந்த மூவர் பெட்ரோல் காலியாகி நின்றுள்ளனர். அப்போது, சம்பவ இடத்தில் பைக்கில் நின்றிருந்த வினோத் என்பவரை மூவரும் டோவ் செய்து உதவுமாறு அழைத்த நிலையில், அவர் வர மறுத்ததால் வாக்குவாதம் ஏற்பட்டு கைகலப்பாகி இருக்கிறது. இதில், வினோத்தை உருட்டு கட்டையால் தாக்கிய மூவரும், தடுக்க வந்த வினோத்தின் தாயார் மற்றும் உறவினர்களையும் தாக்கியது பெரும் பரபரப்பை ஏற்படுத்தியது. இந்த விவகாரத்தில் அக்கிரமேசி கிராமத்தை சேர்ந்த ராஜபாண்டி என்பவரை போலீசார் கைது செய்து விசாரணை நடத்தி வரும் நிலையில், சம்பவம் குறித்தான வீடியோ வெளியாகி பரபரப்பை ஏற்படுத்தியுள்ளது.