வீட்டில் தனியாக இருந்த "பாப்பா".. துடிதுடிக்க வெட்டிய கொன்ற நபர்கள் - கோவையில் பயங்கரம்

சூலூர் அருகே வீட்டில் தனியாக இருந்த மூதாட்டி வெட்டி கொல்லப்பட்ட சம்பவம், அதிர்ச்சியை ஏற்படுத்தியுள்ளது.

கோவை மாவட்டம் கருமத்தம்பட்டி சுங்கச்சாவடி அருகேயுள்ள கங்காலட்சுமி தோட்டத்தில், கணபதியப்பன் மற்றும் அவரது மனைவி பாப்பா ஆகியோர், தங்களது மகள் மற்றும் பேரன் பேத்திகளோடு வசித்து வந்தனர். இந்தநிலையில் கணபதியப்பனும் பிறரும் வெளியே சென்றுவிட்ட நிலையில், வீட்டில் தனியாக இருந்த பாப்பாவை மர்மநபர்கள் சரமாரியாக வெட்டி விட்டு தப்பி சென்றுள்ளனர். இதில் படுகாயமடைந்த பாப்பா, மருத்துவமனையில் சிகிச்சை பலனின்றி உயிரிழந்தார். பாப்பாவை வெட்டிய மர்மநபர்கள், வீட்டிற்குள் எதையோ தேடியதாக தெரியும் நிலையில், இந்த சம்பவம் குறித்து போலீசார் விசாரணை நடத்தி வருகின்றனர்.