தொடர் விடுமுறை.. ரயிலில் செல்லும் பயணிகளே இந்த நியூஸ் உங்களுக்கு தான்

ஓணம் பண்டிகை கொண்டாடப்பட உள்ள நிலையில் சென்னையிலிருந்து கேரள மாநிலத்திற்கு, தென்னக ரயில்வே சார்பில் இரண்டு சிறப்பு ரயில்கள் இயக்கப்பட உள்ளது. சிறப்பு ரயிலானது, இன்று பிற்பகல் 3.10 புறப்பட்டு நாளை காலை 8.10 மங்களூர் செல்கிறது. மறு மார்க்கத்தில் வரும் 15 ஆம் தேதி மாலை 6.45 மணிக்கு மங்களூருவில் இருந்து புறப்பட்டு மறுநாள் காலை 11.40 மணிக்கு சென்னை சென்ட்ரல் ரயில் நிலையத்தை வந்தடையும். மேலும் சென்னை சென்ட்ரல் ரயில் நிலையத்திலிருந்து கேரள மாநிலம் கண்ணூர் வரை செல்வதற்காக மற்றொரு சிறப்பு ரயிலும் இயக்கப்பட உள்ளது. இந்த ரயில் நாளை 14ம்தேதி இரவு 11.50 மணிக்கு சென்னை சென்ட்ரல் ரயில் நிலையத்திலிருந்து புறப்பட்டு மறுநாள் மதியம் 1.30 மணிக்கு கண்ணூர் சென்றடையும். மறு மார்க்கத்தில் வரும் 16 ஆம் தேதி கண்ணூர் ரயில் நிலையத்திலிருந்து மதியம் 3.45 மணிக்கு புறப்பட்டு, மறுநாள் காலை 7.55 மணிக்கு சென்னை சென்ட்ரல் ரயில் நிலையம் வந்தடையும். இந்த இரண்டு சிறப்பு ரயில்களுக்கும், முன்பதிவும் தொடங்கவுள்ளது