வீட்டின் சுவர் இடிந்து விழுந்ததில் மூதாட்டி பலி..பண்ருட்டி அருகே சோகம்

கடலூர் மாவட்டம் பண்ருட்டி அருகே, வீட்டின் சுவர் இடிந்து விழுந்ததில் தலையில் படுகாயமடைந்த மூதாட்டி ஒருவர் நிகழ்விடத்திலேயே உயிரிழந்தார். சென்னையை சேர்ந்த மூதாட்டி மீனா, பண்ருட்டி அருகே குடுமியான்குப்பத்தில் உள்ள தனது தங்கையின் இல்லத்தில் வசித்து வந்தார். நேற்றிரவு மழை பெய்த நிலையில், பலமிழந்து காணப்பட்ட வீட்டின் சுவர் திடீரென மூதாட்டி மீது விழுந்ததில் அவர் உயிரிழந்தார்.