நீலகிரியில் நடுங்கவிடும் நிலச்சரிவு.. "ஆபத்து.. தப்பித்து கொள்ளுங்கள்" - தேதி சொல்லி வைரலாகும் ஆடியோ

நீலகிரி மாவட்டத்தை சேர்ந்த மக்களை அச்சுறுத்தும் வகையில் போலியான ஆடியோ ஒன்று கடந்த சில நாட்களாக வைரலாகி வருகின்றது. சென்னையில் இருந்து சிவக்குமார் பேசுகிறேன் என தொடங்கும் அந்த ஆடியோவில், நீலகிரி மலைக்கு ஆபத்து வரப்போவதாக வானிலை மையம் அறிவித்துள்ளதென அதில் தெரிவிக்கப்பட்டுள்ளது. மேலும், ஆகஸ்ட் 22 லிருந்து, 28ம் தேதி வரை மழை வரும் என்றும், கூடலூர், மஞ்சூர், குந்தா உள்ளிட்ட பகுதிகளில் நிலச்சரிவு ஏற்படும் என அச்சுறுத்தும் வகையில் அந்த வாட்சப் ஆடியோ வெளியாகியுள்ளது. இஸ்ரோ - நாசாவின் அறிக்கையும் வந்துள்ளதாக கூறும், அந்த ஆடியோவில் ஆபத்திலிருந்து தப்பிக்க எங்காவது சென்றுவிடுங்கள் என கூறப்பட்டுள்ளது. வலைதள பக்கங்களில் வேகமாக பரவி வரும் இந்த ஆடியோவால் நீலகிரி மக்கள் குழப்பமடைந்துள்ளனர்.