126வது மலர் கண்காட்சி - பூங்காவை தயார்படுத்தும் பணிகள் தீவிரம்

நீலகிரி மாவட்டம் உதகை அரசு தாவரவியல் பூங்காவில் நடைபெறும் 126 வது மலர் கண்காட்சிக்காக பூங்காவை தயார்படுத்தும் பணிகள் தீவிரமாக நடைபெற்று வருகிறது.ஒவ்வொரு கோடை சீசனின் போதும் நீலகிரி மாவட்டத்தில் கோடை விழாக்கள் நடைபெறுவது வழக்கம். இந்த முறை முதன்முறையாக உதகை அரசு தாவரவியல் பூங்காவில் 10 நாள் மலர் கண்காட்சி நடைபெற உள்ளது. இதற்காக பூங்காவை தயார்படுத்தும் பணிகள் தீவிரமாக நடந்து வருகிறது. சுமார் 35 ஆயிரம் மேற்பட்ட மலர் தொட்டிகளில் பூத்துள்ள பல வண்ண மலர்களை மலர் மாடங்களில் அடுக்கும் பணிகளில் பூங்கா ஊழியர்கள் ஈடுபட்டு வருகின்றனர். அதே போல் மலர்கண்காட்சிக்காக அரசு துறைகள் மூலம் கண்காட்சி அரங்குகள் அமைக்கப்படும் இடத்தில் அரங்குகளுக்கான பணிகள் நடைபெற்று வருகிறது. குறிப்பாக தாவரவியல் பூங்காவில் குவிந்து ஆயிரக்கணக்கான சுற்றுலா பயணிகள் மலர் கண்காட்சிக்காக தயாராகும் பூக்களை கண்டு ரசித்தனர்.