"இரண்டு மாதத்தில் புதிய பேருந்துகள் வந்துவிடும்" -அமைச்சர் சொன்ன முக்கிய தகவல்

போக்குவரத்து கழக ஊழியர்களின் பணி சுமையை குறைக்க எஸ்இடிசியில் முதல் கட்டமாக ஆட்கள் தேர்வு செய்யப்பட உள்ளதாக போக்குவரத்து துறை அமைச்சர் சிவசங்கர் தெரிவித்துள்ளார். கிருஷ்ணகிரி புறநகர் கிளையில் நடைபெற்ற கலைஞர் நூற்றாண்டு விழா ரத்ததான முகாம், ஓட்டுநர் மற்றும் நடத்துனர்களுக்கான குளிரூட்டப்பட்ட அறையை திறந்து வைத்தார். அப்போது, கருணை அடிப்படையில் 54 வாரிசுதாரர்களுக்கு பணி நியமன ஆணை வழங்கினார். 10 மற்றும் 12ஆம் வகுப்பு பொது தேர்வில் அதிக மதிப்பெண் பெற்ற மாணவர்களுக்கு பாராட்டு சான்றிதழையும் வழங்கினார். பின்னர் நிகழ்ச்சியில் பேசிய அவர், இன்னும் 2 மாதங்களில் புதிய பேருந்துகள் வாங்க உள்ளதாக கூறினார்