முதியவரை பிளான் போட்டு தீர்த்துக்கட்டிய குடும்பம்.. சிசிடிவியை பார்த்து அதிர்ந்து போன போலீசார்

நாமகிரிப்பேட்டை ஐயப்பன் நகர் பகுதியில், பொன்னுசாமி என்பவரது வீட்டில் நாகரத்தினம் என்ற 65 வயது முதியவர் குடியிருந்து வந்துள்ளார். பல வருடங்களாக குடியிருந்து வந்த நாகரத்தினம், ஒரு கட்டத்தில் வீட்டை காலி செய்ய மறுத்துள்ளார். பிறகு, நீதிமன்ற உத்தரவின்பேரில், நாகரத்தினம் வீட்டை காலி செய்துள்ளார். இந்நிலையில், கடந்த 10 நாட்களுக்கு முன் நாகரத்தினம் கொலை செய்யப்பட்டார். இதுகுறித்து சிசிடிவி காட்சிகளை ஆராய்ந்த போலீசார் இரண்டு பேரை கைது செய்தனர். இரண்டு பேரும் கூலிப்படையினர் என்பதும், அவர்களுக்கு பணம் கொடுத்து, வீட்டு உரிமையாளரான பொன்னுசாமி மற்றும் அவரது குடும்பத்தினர் இந்த கொலை சம்பவத்தை அரங்கேற்றியதும் தெரியவந்தது. இந்நிலையில் தலைமறைவான பொன்னுசாமி, அவரது மகன் மற்றும் மகளுக்கு போலீசார் வலைவீசி உள்ளனர்.