இன்ஸ்டா போஸ்ட் போட்ட அடுத்த நொடி இளைஞருக்கு வந்த வினை - நாமக்கல்லில் பரபரப்பு

நாமக்கல்லில் விலை உயர்ந்த இருசக்கர வாகனத்தில் சாகசம் செய்து ரீல்ஸ் வீடியோ பதிவிட்ட இளைஞரை பிடித்து போலீசார் விசாரணை நடத்தி வருகின்றனர். மேதராமாதேவியை சேர்ந்த சந்துரு என்ற அந்த இளைஞர் நாமக்கல் இரயில் நிலையம், சேந்தமங்கலம் சாலை உள்ளிட்ட பகுதிகளில் பைக் சாகசத்தில் ஈடுபட்டு அதனை ரீல்ஸ் வீடியோவாக பதிவிட்டிருந்தார். இது குறித்த புகாரின் பேரில் சந்துருவை போலீசார் காவல்நிலையம் அழைத்து சென்று விசாரணை நடத்தினர். அந்த இளைஞர் சாகசத்திற்கு பயன்படுத்திய 3 லட்சம் ரூபாய் மதிப்புள்ள பைக்கையும் போலீசார் பறிமுதல் செய்தனர்.