ஒத்த வெடியால்.. சுக்குநூறாக வெடித்து சிதறிய சொகுசு கார்..! நாமக்கல்லில் பயங்கரம் | Namakkal

நாமக்கல் அருகே ஒரு துக்க நிகழ்ச்சியில் பட்டாசு வெடித்த சம்பவத்தால் இனோவா கார் ஒன்று சுக்கு நூறாகியது. நாமக்கல் அடுத்த தாளம்பாடியில் துக்க நிகழ்வின் போது,

வீட்டின் அருகே சுமார் 100 மீட்டர் தொலைவில் பட்டாசுகள் வெடிக்கப்பட்டன. அப்போது திடீரென சாலையில் நிறுத்தி வைக்கப்பட்டிருந்த இனோவா சொகுசு கார் ஒன்று சுக்கு நூறாக வெடித்து சிதறி, தீ பிடித்து எரிந்தது. தகவல் அறிந்து விரைந்து வந்த நாமக்கல் தீயணைப்புப் வீரர்கள், காரில் எரிந்து கொண்டிருந்த தீயை அனைத்தனர். இது தொடர்பாக

போலீசார் நடத்திய விசாரணையில், இனோவா காரின் உரிமையாளர் செல்வம் என்பவர் பட்டாசு வாங்கி காரில் கொண்டு வந்து துக்க நிகழ்வில் ஒவ்வொரு பட்டாசாக வெடித்துள்ளது தெரிய வந்தது. அப்போது அதிலிருந்து ஒரு சிறிய தீப்பொறி ஒன்று காரில் வைத்திருந்த மீதமுள்ள பட்டாசுகளில் மீது பட்டதால் பட்டாசுகள் வெடிது, காரின் டீசல் டேங்க்கும் வெடித்ததால் இனோவா கார் சுக்கு நூறாக சிதறி உள்ளது. இவர் வாங்கி வந்த வெடிகள் அனைத்தும் நாட்டு வெடி வகையை சார்ந்தது என போலீசார் விசாரணையில் தெரிய வந்துள்ளது. இது தொடர்பாக வழக்கு

பதிவு செய்யப்பட்டுள்ளது.