பெண்களுடன் உல்லாச வாழ்க்கை..! வீடியோ எடுத்து மிரட்டும் காதலன்.. ப்ளே பாய்க்கு லாடம் கட்டிய போலீஸ்

கோவை அருகே இரண்டு கல்லூரி மாணவிகள் அளித்த பாலியல் துன்புறுத்தல் புகாரில், தர்ஷன் என்ற மாணவரை போலீசார் கைது செய்து சிறையில் அடைத்தனர்.

கோவை குனியமுத்தூரில் உள்ள பிரபல கல்விக்குழும வளாகத்தில் செயல்படும் கலைக் கல்லூரியில் , நாகர்கோவிலை சேர்ந்த ஸ்ரீதர்ஷன் என்பவர் எம்.ஏ இரண்டாம் ஆண்டு ஆங்கிலம் படித்து வருகிறார்.

உடன் படித்த 21 வயது மாணவியையும், அவருக்கு தெரியாமல் பி ஏ மூன்றாம் ஆண்டு மாணவியையும் ஸ்ரீதர்ஷன் காதலித்து வந்துள்ளார். இரு மாணவிகளையும் பாலியல் ரீதியாக துன்புறுத்தி, அவற்றை வீடியோவாகவும் எடுத்து வைத்ததாக கூறப்படுகிறது.

தொடர்ந்து, அதே கல்லூரியில் மற்றொரு மாணவியை அவர் காதலித்த விஷயத்தை கேள்விப்பட்ட, இரண்டு மாணவிகளும் அதுபற்றி ஸ்ரீதர்சனிடம் கேட்டுள்ளனர். அப்போது, உங்களுடன் எடுத்த பாலியல் வீடியோ , புகைப்படம் ஆகியவற்றை வெளியிட்டு விடுவதாக கூறி மிரட்டியுள்ளார்.

இதையடுத்து 21 வயது மாணவியும், பி.ஏ மூன்றாம் ஆண்டு மாணவியும் அளித்த புகாரில், மாணவர் ஸ்ரீதர்ஷன் மீது குனியமுத்தூர் போலீசார் வழக்குப்பதிவு செய்தனர். 5 பிரிவுகளில் தனித்தனி வழக்குகளாக பதிவு செய்ததுடன், மாணவரை கைது செய்து, நீதிமன்றத்தில் ஆஜர் படுத்தி சிறையில் அடைத்தனர்.

கல்லூரியில் ப்ளே பாயாக வலம் வந்த தர்ஷன், மாணவிகளை காதலித்து ஏமாற்றியதுடன் அவர்களை வீடியோ எடுத்து வைத்து மிரட்டிய நிலையில் தற்போது போலீசாரால் கைது செய்யப்பட்டு மத்திய சிறையில் அடைக்கப்பட்டுள்ளார்