நடுக்கடலில் தனியே தத்தளித்த கப்பல்.. அருகே சென்று பார்த்ததும் அதிர்ச்சி..

நாகை அருகே நடுக்கடலில் உணவின்றி பத்து நாட்கள் உயிருக்கு போராடிய இலங்கை மீனவரை மீட்டு, தமிழக மீனவர்கள் கரைக்கு அழைத்து வந்தனர்.

நாகை மீனவர்கள் ஆழ்கடலில் மீன் பிடித்து விட்டு கரை திரும்பிய போது, நடுக்கடலில் தனியாக படகு ஒன்று நின்றிருப்பதை பார்த்துள்ளனர். படகில் மயங்கிய நிலையில் கிடந்த திரிகோணமலையைச் சேர்ந்த அகமது இர்பானை மீட்டனர். அவரிடம் விசாரித்த போது, படகு பழுதானதால் பத்து நாட்களாக கடலில் தவிப்பதாகவும் படகில் இருந்த உணவுப் பொருட்கள் தீர்ந்ததால், பசியால் வாடி மயங்கியதாவும் தெரிவித்தார். பின்னர் அவருக்கு உணவு வழங்கிய மீனவர்கள், அவரை விசைப்படகில் ஏற்றிக்கொண்டு பைபர் படகையும் கயிறு கட்டி நாகை துறைமுகத்திற்கு இன்று அதிகாலை அழைத்து வந்தனர்.