வந்த வேகத்தில் அடித்து தூக்கிய கப்பல் -நடுக்கடலில் திக்..திக்.. உயிர் போராட்டம்

கோடியக்கரை அருகே இலங்கை கப்பல் மோதி, பைபர் படகு கடலில் மூழ்கியதால் நாகை மீனவர்கள் நடுக்கடலில் தவித்தனர்.

செருதூர் கிராமத்தைச் சேர்ந்த 4 மீனவர்கள், இரு தினங்களுக்கு முன் கடலுக்கு சென்றனர். அவர்கள் கோடியக்கரை அருகே மீன்பிடித்துக் கொண்டிருந்த போது அங்கு வந்த இலங்கை கடற்படை கப்பல், தமிழக மீனவர்களின் பைபர் படகை மோதி தள்ளியது. இந்த விபத்தில் பைபர் படகு நடுக்கடலில் கவிழ்ந்தது. படகில் இருந்த 660 கிலோ வலை, ஜிபிஎஸ், வாக்கி டாக்கி, 4 செல்போன் பிடித்து வைத்திருந்த மீன்கள் என 6, லட்ச ரூபாய் மதிப்புள்ள பொருட்கள் முற்றிலும் கடலில் மூழ்கியது. அவ்வழியாக கரை திரும்பிய மீனவர்கள், படகை நிமிர்த்தி மீனவர்கள் நான்கு பேரையும் காப்பாற்றி கரை சேர்த்தனர்.