துக்க வீட்டிற்கு வந்த இளைஞர் படுகொலை... வெட்டி கூறுபோட்ட கும்பல்

நாகை மாவட்டம், வேளாங்கண்ணி அடுத்த வடக்கு பொய்கைநல்லூர் வீரன்குடி காட்டைச் சேர்ந்த ராஜேஷ்

என்ற இளைஞருக்கும், தெற்கு பொய்கை நல்லூரை சேர்ந்த மகாகுமாருக்கும் இடையே நேற்று ஒரு துக்க நிகழ்வில் தகராறு ஏற்பட்டது. அதனை தொடர்ந்து நேற்றிரவு ராஜேஷ் இரு சக்கர வாகனத்தில் வீட்டின் அருகே உள்ள வயல் பகுதியில் சென்ற போது அவரை வழிமறித்த மகா குமார் உள்ளிட்ட சிலர் அரிவாளால், அவரை வெட்டி படுகொலை செய்துவிட்டு தப்பிச் சென்றதாக கூறப்படுகிறது. இந்த சம்பவத்தில் ராஜேஷ் சம்பவ இடத்திலேயே உயிரிழந்தார். இது குறித்து தகவல் அறிந்து அங்கு வந்த வேளாங்கண்ணி போலீசார், உடலை கைபற்றி நாகை அரசு மருத்துவக் கல்லூரி மருத்துவமனைக்கு உடற்கூறு ஆய்வுக்காக அனுப்பி வைத்தனர். இந்த குற்றச்சம்பவத்தில் தப்பி ஓடிய குற்றவாளிகளை வலைவீசி தீவிரமாக தேடி வருகின்றனர்.