சிறுத்தை உயிரிழப்பில் மர்மம் - வனத்துறையினர் தீவிர விசாரணை

உதகை அருகே மர்மமான முறையில் சிறுத்தை உயிரிழந்திருப்பது குறித்து, வனத்துறையினர் தீவிர விசாரணை நடத்தி வருகின்றனர்.

நீலகிரியின் மந்தடா பகுதியிலுள்ள தனியார் தேயிலை தோட்டத்தில் ஆண் சிறுத்தை ஒன்று இறந்து கிடந்துள்ளது. வனத்துறையினர் ஆய்வு செய்ததில், சிறுத்தை சுருக்கு கம்பியில் சிக்கி உயிரிழந்தது தெரியவந்தது.

ஆனால் சிறுத்தை இறப்பதற்கு காரணமான சுருக்கு கம்பி கிடைக்காததால், அது இறந்த இடம் குறித்து சந்தேகம் எழுந்துள்ளது.

இதனையடுத்து சிறுத்தை இறந்த இடம் குறித்தும், அதன் இறப்பிற்கு காரணமானவர்கள் குறித்தும் வனத்துறையினர் விசாரணையில் இறங்கியுள்ளனர். தலைமறைவாகவுள்ள தேயிலை தோட்ட உரிமையாளரிடம் விசாரிக்கவும் வனத்துறை முடிவு செய்துள்ளது