மாயமான வடமாநில தொழிலாளி...சடலமாக மிதந்த சம்பவம்

மாயமான வடமாநில தொழிலாளி

சடலமாக மிதந்த சம்பவம்

கன்னியாகுமரி அருகே, மீன்பிடி துறைமுகத்தில் இருந்து மாயமான வடமாநில தொழிலாளி, சடலமாக தண்ணீரில் மிதந்ததால் பரபரப்பு ஏற்பட்டது. வள்ளவிளை மீனவ கிராமத்தைச் சேர்ந்த ஸ்டெல்லஸ் என்பவருக்கு சொந்தமான விசைப் படகில், அசாம் மாநிலத்தை சேர்ந்த முக்தாலால் நாமசூத்ரா என்பவர் மீன்பிடி தொழிலில் ஈடுபட்டு வந்துள்ளார். கடந்த 22 ம் தேதி படகில் தங்கியிருந்த முக்தாலால், திடீரென மாயமான நிலையில், படகுகள் நிறுத்தப்பட்டிருந்த இடத்திற்கு அருகில் முக்தாலாலின் உடல் தண்ணீரில் மிதந்ததைக் கண்டு மீனவர்கள் அதிர்ச்சி அடைந்தனர். இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.