நகைக்கடை உரிமையாளர் மீது கொலைவெறி தாக்குதல்... வெளியான பயங்கர சிசிடிவி காட்சி

நகைக்கடை உரிமையாளர் மீது கொலைவெறி தாக்குதல்... வெளியான பயங்கர சிசிடிவி காட்சி | Dharmapuriதருமபுரியில், தொழில் போட்டியில் நகைக் கடை அதிபரை சுத்தியால் அடித்துக் கொலை வெறி தாக்குதல் நடத்தும் சிசிடிவி காட்சி வெளியாகியுள்ளது.

தருமபுரி நகர பகுதியில் உள்ள நகைக்கடை வீதி தேர்முட்டி பகுதியில், வடமாநிலத்தை சேர்ந்த பிரதீப் பாபர்மான் நகை தர மதிப்பீட்டு சோதனை செய்யும் கடையை நடத்தி வருகிறார். இவரது கடைக்கு விற்பனைக்கு வரும் தங்க நகைகைளை, டெஸ்டிங் எனப்படும் தரமதிப்பீடு செய்யும் பணியை அவர் செய்து வருகிறார். இந்த நிலையில், பிரதீப் பாபர்மான் கடை வைத்திருக்கும் பகுதியின் அருகிலேயே, செந்தில் என்பவர் நகைக்கடை நடத்தி வருகிறார். வியாபார ரீதியாக இருவருக்கும் இடையே நடந்த கருத்து வேறுபாடு காரணமாக, செந்தில் மற்றும் அவரது நண்பர்கள் பிரதீப் பாபர்மான் கடையில் புகுந்து, அவரை சுத்தியால் கடுமையாக தாக்கினர். இதனால் பலத்த காயமடைந்த பிரதீப்பிற்கு, மருத்துவமனையில் தீவிர சிகிச்சை அளிக்கப்பட்டு வருகிறது. இந்த சம்பவம் குறித்து போலீசார் விசாரணை நடத்தி வருகின்றனர். இந்த சம்பவத்தின் சிசிடிவி காட்சி வெளியாகி பரபரப்பை ஏற்படுத்தியுள்ளது.