காவல் நிலையத்தை அச்சுறுத்தும் கொசுக்கள் - அதிகரிக்கும் காய்ச்சல்

சிவகங்கையில் காய்ச்சல் அதிகரித்து வருவதால், கொசு மருந்து அடிக்கும் பணி தீவிரப்படுத்தப்பட்டுள்ளது. பல குற்ற வழக்குகளில் பிடிபட்ட இருநூற்றுக்கும் மேற்பட்ட வாகனங்கள், சிவகங்கை நகர் காவல் நிலையத்தில் நிறுத்தப்பட்டிருப்பதால், அங்கு கொசு உற்பத்தி அதிகரித்து காவலர்கள் கொசுக்கடியால் அவதிப்பட்டதாக கூறப்பட்டது. இதையடுத்து காவல் நிலையம் முழுவதும் கொசு மருந்து அடிக்கும் பணியில் நகராட்சி ஊழியர்கள் ஈடுபட்டனர்.