"நாளை முதல் தொடக்கம்...சென்னை மக்கள் ஒத்துழைக்க வேண்டும்" - சென்னை குடிநீர் வாரியம்

"நாளை முதல் தொடக்கம்...சென்னை மக்கள் ஒத்துழைக்க வேண்டும்" - சென்னை குடிநீர் வாரியம்

பெருநகர சென்னை மாநகராட்சிக்குட்பட்ட 15 மண்டலங்களில் உள்ள பகுதிகளில் குடிநீர் விநியோகத்தின் அளவு மற்றும் தரத்தினை மேம்படுத்துவதற்காக அடிப்படை கணக்கெடுப்பு பணிகள் திங்கள் முதல் தொடங்குகின்றன.

தொடர்ந்து 60 நாட்களுக்கு இந்த கணக்கெடுப்பு பணிகள் நடைபெற உள்ளன. இந்த கணக்கெடுப்பின் அடிப்படையில், சென்னைக் குடிநீர் வாரியத்தின் செயல்பாட்டு திறனை மேம்படுத்துதல், தினசரி குடிநீர் வழங்கல் சேவையை மேம்படுத்துதல் போன்ற பணிகள் மேற்கொள்ளப்படும். சென்னை பகுதிகளுக்குட்பட்ட வணிக நிறுவனங்கள் மற்றும் வீடுகள்தோறும் இந்த கணக்கெடுப்பு பணிகள் மேற்கொள்ளப்பட இருக்கிறது.

தேவையான விவரங்களை பொது மக்கள் களப்பணியாளர்களிடம் தெரிவித்து குடிநீர் வாரியத்தின்

செயல்பாட்டினை மேம்படுத்துவதற்கு ஒத்துழைப்பு வழங்கிடுமாறு சென்னை குடிநீர் வாரியம் கேட்டு கொண்டுள்ளது.