"36 வயதினிலே படத்திற்கு பிறகு வந்த மெசேஜ்கள்" - நடிகை ஜோதிகா சொன்ன விஷயம்

2015ம் ஆண்டுக்கான தமிழ்நாடு அரசின் திரைப்பட விருதுகள் வழங்கப்பட்டன..சென்னை ராஜா அண்ணாமலைபுரத்தில் தமிழ்நாடு அரசின் 2015ம் ஆண்டுக்கான திரைப்பட விருதுகள் மற்றும் 2014-15 கல்வியாண்டிற்கான எம்.ஜி.ஆர். திரைப்படம் மற்றும் தொலைக்காட்சி பயிற்சி நிறுவன மாணவர்களுக்கான விருதுகள் வழங்கும் விழா நடைபெற்றது. இதில் அமைச்சர் சாமிநாதன் தலைமை தாங்கி சிறப்புரையாற்றினார். சிறப்பு விருந்தினராக பங்கேற்ற அமைச்சர் மா.சுப்பிரமணியன், மயிலாப்பூர் எம்.எல்.ஏ. மயிலை வேலு உள்ளிட்டோர் விருதாளர்களுக்கு விருதுகளை வழங்கி கவுரவித்தனர். பல்வேறு பிரிவுகளில் மொத்தம் 39 விருதுகள் அறிவிக்கப்பட்ட நிலையில், விருதாளர்களுக்கு பதக்கம், சான்றிதழ் மற்றும் பரிசுத்தொகை வழங்கப்பட்டது. அந்த வகையில் சிறந்த படத்திற்கான முதல் பரிசு 'தனி ஒருவன்' படத்திற்கு வழங்கப்பட்டது. இரண்டாம் பரிசு 'பசங்க 2' படத்திற்கும், மூன்றாம் பரிசு 'பிரபா' படத்திற்கு வழங்கப்பட்டது. இதேபோல நடிகை ஜோதிகா '36 வயதினிலே' படத்திற்காக சிறந்த நடிகைக்கான பரிசை நேரில் பெற்றுக் கொண்டார்