"மர்மமான முறையில் இறந்த மனைவி" - அசால்ட்டாக ஜோடித்த நாடகம்... கணவனே செய்த கொடூர செயல்

வீட்டிற்குள் மர்மமான முறையில் பெண் உயிரிழந்து கிடந்த விவகாரத்தில், கணவரால் அவர் அடித்துக் கொல்லப்பட்டது தெரியவந்திருக்கிறது.

மயிலாடுதுறை மாவட்டம் தரங்கம்பாடி அடுத்த இலுப்பூர் கிராமத்தில் வசித்து வருபவர் பஜில் முகம்மது. 64 வயது முதியவரான இவருக்கு, திருமணமாகி 3 மகன்கள் உள்ள நிலையில், தன் மனைவியுடன் தனியே வசித்து வந்தார். இந்நிலையில், கடந்த 20 ஆம் தேதி, தன் மனைவி மர்ஜானா பேகம் வீட்டிற்குள் மர்மமான முறையில் உயிரிழந்த கிடப்பதாகவும், பீரோவில் இருந்த நகைகளும், பணமும் திருடுபோனதாகவும் கூறி பஜில் முகம்மது போலீசில் புகாரளித்திருந்தார். விசாரணையில், குடும்ப பிரச்சினையில் பஜில் முகம்மதுவே மனைவியை அடித்துக் கொன்றது தெரியவந்திருக்கிறது. இந்நிலையில், மனைவியை கொன்று விட்டு போலீசில் பொய் புகாரளித்து நாடகமாடிய பஜில் முகம்மதுவை போலீசார் கைது செய்து சிறையில் அடைத்தனர்.