விபத்தில் சிக்கிய தி.மு.க எம்எல்ஏ கார் - பள்ளி மாணவன் உள்பட 2 பேர் படுகாயம்

மயிலாடுதுறை மாவட்டம் தரங்கம்பாடி அருகே தி.மு.க எம்.எல்.ஏவின் கார் மோதி மாணவன் உள்பட 2 பேர் படுகாயம் அடைந்தனர்.

ரிஷிவந்தியம் தொகுதி திமுக எம்எல்ஏ வசந்தம் கார்த்திகேயன், காரில் காரைக்குடி சென்றுவிட்டு வீடு திரும்பியுள்ளார். காழியப்பநல்லூரில் சென்று கொண்டிருந்த போது, குறுக்கு வந்த பைக் மீது மோதாமல் இருப்பதற்காக பிரேக் அடிக்கப்பட்டுள்ளது. அப்போது கட்டுப்பாட்டை இழந்த எம்எல்ஏவின் கார், வீட்டின் முன் நின்றிருந்த வாகனங்களின் மோதி நின்றது. இந்த விபத்தில் 12ஆம் வகுப்பு மாணவன் செல்வகுமாருக்கு கால் முறிவு ஏற்பட்டது. மற்றொருவரும் காயம் அடைந்தார். எம்எல்ஏ வசந்தம் கார்த்திகேயன் லேசான காயங்களுடன் உயிர்தப்பினார். வீட்டின் உரிமையாளர் கார்த்தி அளித்த புகாரின் அடிப்படையில் பொறையாறு போலீசார், இருசக்கர வாகனத்தை அஜாக்கிரதையாக ஓட்டிவந்து விபத்தை ஏற்படுத்தியதாக மணிகண்டன் என்பவர் மீது வழக்கு பதிவு செய்துள்ளனர்...