மயிலாடுதுறை சிறுத்தை..இப்போது எங்கே..வன அலுவலர் சொன்ன தகவல்

மயிலாடுதுறையில் தென்பட்டதாகக் கூறப்படும் சிறுத்தை, செந்துறையில் இருந்து ஓடை வழியாக பெரம்பலூர் மாவட்டம் பச்சை மலைக்கு செல்வதற்கான வாய்ப்பிருப்பதாக அரியலூர் மாவட்ட வன அலுவர் இளங்கோவன் தெரிவித்துள்ளார். சிறுத்தையின் நடமாட்டம் இருப்பதாகக் கூறப்படும் இடங்களில் 24 மணி நேரம் கண்காணிப்பு போடப்பட்டு, அதுசெல்லும் வழியிலுள்ள ஓடைகளில் 3 கூண்டுகள் வைத்து பிடிக்கும் பணி தீவிரப்படுத்தப்பட்டுள்ளதாகவும் கூறினார். இதற்கிடையே, செந்துறை அரசு மருத்துவமனை வளாகத்திற்கு சிறுத்தை நுழைந்ததாக கூறப்படும் நிலையில், சிசிடிவி பதிவுகளை ஆய்வு செய்து வருகின்றனர். தஞ்சாவூர், கடலூர், பெரம்பலூர், அரியலூர் மாவட்டங்களைச் சேர்ந்த 50 வனஅலுவலர்கள் மற்றும் கால்நடை மருத்துவர்கள் சிறுத்தையை பிடிக்கும் பணியில் ஈடுபட்டுள்ளதாகவும் அவர் தெரிவித்தார்.