"உயர்கல்வி படிப்பவர்களுக்கு.." அமைச்சர் மா.சுப்பிரமணியன் சொன்ன முக்கிய தகவல்

உயர்கல்வி படிப்பவர்களுக்கு மகத்தான சாதனையை முதல்வர் செய்து வருவதாக அமைச்சர் மா.சுப்பிரமணியன் தெரிவித்துள்ளார். சென்னை சேப்பாக்கத்தில் உள்ள கலைவாணர் அரங்கத்தில் கலைஞர் நூற்றாண்டு நிறைவு விழாவையொட்டி பேச்சுப் போட்டி நடைபெற்றது. நிகழ்ச்சியில் பேசிய தயாநிதி மாறன், படித்தவர்கள் இருக்கும் மாநிலம் தமிழ்நாடு, ஜாதி சண்டை இல்லாத மாநிலம் தமிழ்நாடு என்று பெருமிதம் தெரிவித்தார். தொடர்ந்து பேசிய அமைச்சர் மா.சுப்பிரமணியன், நான் முதல்வன் திட்டம் மூலம் 28 லட்சம் பேர் பயன்பெறுவதாக தெரிவித்தார்.