அதிமுக பிரமுகருக்கு அரிவாள் வெட்டு..! வெளியான பகீர் பின்னணி | ADMK | Mannargudi

உள்ளாட்சித் தேர்தல் முன் பகை காரணமாக அதிமுக பிரமுகரை அரிவாளால் வெட்டிய திமுக பிரமுகர் மீது போலீசார் வழக்குப் பதிவு செய்து தேடி வருகின்றனர்.

திருவாரூர் மாவட்டம் மன்னார்குடியை சேர்ந்தவர் சக்தி, இவரது மனைவி 2019 ம் ஆண்டு நடைபெற்ற உள்ளாட்சித் தேர்தலில் போட்டியிட்டு நகர் மன்ற உறுப்பினராக வெற்றி பெற்றார். இவரை எதிர்த்துப் போட்டியிட்ட அதிமுக பிரமுகர் ரமேஷ் என்பவரது மனைவி தோல்வி அடைந்தார். இதனால் ரமேஷ் மற்றும் சக்திக்கு இடையே அடிக்கடி தகராறு ஏற்பட்டு இருக்கிறது. இந்த நிலையில் மன்னார்குடி கீழபாலம் அருகே நின்று கொண்டிருந்த ரமேஷை சக்திவேல் மற்றும் அவரது ஆதரவாளர்கள் சரமாரியாக வெட்டியதில் ரமேஷ் படுகாயம் அடைந்து மருத்துவமனையில் அனுமதிக்க்பட்டு சிகிச்சை பெற்று வருகிறார். இது தொடர்பாக வழக்குப் பதிவு செய்த போலீசார் சக்திவேல் உட்பட மூவர் மீது வழக்குப் பதிவு செய்து இருவரைக் கைது செய்துள்ளனர். மேலும் தலைமறைவாக உள்ள சக்திவேலை போலீசார் தேடி வருகின்றனர்