மதுரையை அதிரவைத்த பழிக்குப்பழி.. போலீசார் எடுத்த அதிரடி ஆக்‌ஷன்

மதுரையில் தனது பழிக்குப்பழி வாங்கும் நோக்கில், கையில் அரிவாளுடன் சுற்றித்திரிந்த 4 இளைஞர்களை போலீசார் கைது செய்தனர்.

மதுரை, ஜெய்ஹிந்த்புரம் பகுதியில் போலீசார் ரோந்து பணியில் ஈடுபட்டிருந்தபோது நால்வரும் சிக்கி இருக்கின்றனர். இதில், மதுரை கோவலன் நகரை சேர்ந்த சூர்யா என்பவரை போலீசார் தனியே அழைத்துச் சென்று விசாரணை நடத்தினர். விசாரணையில், சூர்யாவின் அண்ணன் வீரக்குமார் மற்றும் அவரது நண்பர் பிரித்திவிராஜை... சோலையழகுபுரத்தைச் சேர்ந்த சண்முகநாதன் தரப்பினர் கத்தியால் தாக்கியது தெரியவந்துள்ளது. இதற்கு பழிக்குப்பழிவாங்க தனது நண்பர்களுடன் சேர்ந்து கையில் அரிவாளுடன் சூர்யா சுற்றி வந்தை போலீசார் கண்டுபிடித்தனர். இந்நிலையில், நால்வரிடம் இருந்தும் ஆயுதங்களை பறிமுதல் செய்த போலீசார், அனைவரையும் நீதிமன்றத்தில் ஆஜர்படுத்தி சிறையில் அடைத்தனர்.