மதுரையை உலுக்கிய உட்கட்சி மோதல்..MLA வீட்டு முன் த*கொலை முயற்சி - சிக்கிய கடிதம்.. அதிர்ச்சி தகவல்

மதுரையில் தி.மு.க. எம்.எல்.ஏ. வீட்டின் முன்பு கட்சி நிர்வாகி தீக்குளித்த சம்பவம் பரபரப்பை ஏற்படுத்தியது. மதுரை பசுமலை அருகே மூலக்கரையில் உள்ள தி.மு.க. எம்.எல்.ஏ கோ.தளபதியின் வீட்டிற்கு வந்த ஆவின் தி.மு.க தொழிற்சங்க கௌரவ தலைவர் மானகிரி கணேசன், தனக்கும் மற்ற நிர்வாகிகளுக்கும் முன்விரோதம் இருந்து வருவதாகவும், இதில் தலையிட்டு சரிசெய்ய வேண்டும் என்றும் கேட்டுக்கொண்டார். இந்நிலையில், புகார் அளித்தபின் வெளியே வந்த கணேசன், மண்ணெண்ணெய் கேனை எடுத்து தனது தலையில் ஊற்றி தீக்குளிக்க முயன்றார். இதையடுத்து, அக்கம்பக்கத்தினர் தண்ணீர் ஊற்றி தீயை அணைத்தனர். எனினும், உடலில் தீக்காயங்களுடன் மதுரை அரசு ராஜாஜி மருத்துவமனையில், தீவிர சிகிச்சை பிரிவில் கணேசன் அனுமதிக்கப்பட்டுள்ளார். அவர் கையில் வைத்திருந்த கடிதத்தை கைப்பற்றி திருப்பரங்குன்றம் காவல்துறையினர் விசாரணை நடத்தி வருகின்றனர். இதனிடையே, மருத்துவமனையில் சிகிச்சை பெற்று வரும் மானகிரி கணேசனிடம் மாஜிஸ்திரேட் நேரில் விசாரணை நடத்தினார்.