வீடு புகுந்த மர்ம கும்பல்.. மூதாட்டிக்கு நேர்ந்த கொடூர சம்பவம் | Madurai | Thanthitv

மதுரை மாவட்டம் திருமங்கலம் அடுத்துள்ள வாகைகுளத்தை சேர்ந்த வயதான தம்பதி தங்கரசு - காசம்மாள். தங்கராசு விபத்து ஒன்றில் சிக்கி காலில் காயம் ஏற்பட்டிருந்ததால், நாகமலை புதுக்கோட்டையில் உள்ள தன் மகளின் வீட்டில் தங்கி சிகிச்சை பெற்று வந்திருக்கிறார். இந்நிலையில், வீட்டில் தனியே வசித்து வந்த மூதாட்டி காசம்மாள், திடீரென கழுத்தறுக்கப்பட்டு நிலையில் கொலை செய்யப்பட்டும், வீட்டில் இருந்த 65 சவரன் நகைகள் கொள்ளையடிக்கப்பட்டு இருந்ததும் அதிர்ச்சியை ஏற்படுத்தி இருக்கிறது. உடனே, சம்பவ இடத்திற்கு வந்த போலீசார், கைரேகை நிபுணர்கள் மற்றும் மோப்ப நாய்கள் உதவியுடன் தீவிர விசாரணை நடத்தி வரும் நிலையில், இந்த கொலைச் சம்பவத்தால் வாகைகுளம் கிராமத்தில் பெரும் பரபரப்புக்குள்ளானது.