குறுக்கே எமனாக வந்த ஆசாமி.. ஒரு நொடியில் நடந்த பயங்கரம் - சொகுசு பேருந்தில் 38 பயணிகள் நிலை..?

மதுரை மாவட்டம் மேலூரில், கட்டுப்பாட்டை இழந்த தனியார் பேருந்து, சாலையில் கவிழ்ந்ததில், பயணி ஒருவர் பலியானார்.

சிவகாசியில் இருந்து சென்னை நோக்கி புறப்பட்ட தனியார் சொகுசு பேருந்தில், 38 பயணிகள் பயணம் செய்தனர். இந்த பேருந்தானது, மேலூர் அருகே வரும் போது, எதிரே போதை ஆசாமி ஒருவர் இருசக்கர வாகனத்தில் வந்துள்ளார். அவர் மீது மோதாமல் இருக்க பேருந்து ஓட்டுநர் முயற்சிக்கையில், பேருந்து கட்டுப்பாட்டை இழந்து கவிழ்ந்தது. இதில், 20க்கும் மேற்பட்ட பயணிகள் காயம் அடைந்த நிலையில், சாத்தூரை சேர்ந்த சுப்பிரமணியன் என்பவர் பலியானார். சாலையில் கவிழ்ந்த பேருந்தானது, உடனடியாக அப்புறப்படுத்தப்பட்டு போக்குவரத்து சீர்செய்யப்பட்டது. மேலும் இந்த விபத்து குறித்து போலீசார் வழக்கு பதிந்து விசாரித்து வருகின்றனர்.