கொட்டிய மழை.. வீடுகளை சூழ்ந்த தண்ணீர்- எம்.எல்.ஏ வை முற்றுகையிட்ட மக்கள்.. மதுரையில் பரபரப்பு

மதுரை வடக்கு தொகுதி சட்டமன்ற உறுப்பினர் தளபதியை, பொதுமக்கள் முற்றுகையிட்டதால் பரபரப்பு ஏற்பட்டது. கனமழையால் மதுரை செல்லூரில் உள்ள கண்மாய் முழுவதும் நிரம்பியுள்ளது. இதனால் பந்தல்குடி கால்வாயில் செல்லும் மழைநீர் முழுவதும் குடியிருப்பு பகுதிகளுக்குள் புகுந்துள்ளது. அந்த பகுதியை மதுரை வடக்கு தொகுதி சட்டமன்ற உறுப்பினர் தளபதி பார்வையிட சென்றார். அப்போது பொதுமக்கள் அவரை முற்றுகையிட்டு கேள்விகளை எழுப்பியதால் பரபரப்பு ஏற்பட்டது. தேவைப்படும் பட்சத்தில் அருகிலுள்ள பள்ளிகள், திருமண மண்டபத்தை தங்குவதற்கு ஏற்பாடு செய்து தருவதாக, சட்டமன்ற உறுப்பினர் தளபதி உறுதியளித்தார்.