பூட்டப்பட்ட கழிவறைகள்... துண்டிக்கப்பட்ட மின் இணைப்பு - ஆசிரியர்கள் குற்றச்சாட்டு

சென்னையில் கோரிக்கைகளை வலியுறுத்தி பட்டதாரி ஆசிரியர்கள் போராட்டம் நடத்தி வரும் நிலையில், கழிவறைகள் பூட்டப்பட்டு, மின்சாரம் துண்டிக்கப்பட்டதாக புகார் எழுந்துள்ளது. சென்னை நுங்கம்பாக்கத்தில் உள்ள கல்வித்துறை வளாகத்தில், ஊதிய முரண்பாடு, பணி நிரந்தரம் உள்ளிட்ட கோரிக்கைகளை வலியுறுத்தி, ஆசிரியர்களில் மூன்று தரப்பினர் போராட்டத்தில் ஈடுபட்டுள்ளனர். இந்நிலையில், இந்த வளாகத்தில் கழிவறைகள் பூட்டப்பட்டதாக ஆசிரியைகள் வேதனையுடன் தெரிவித்தனர். மின்விசிறிகளை பயன்படுத்த முடியாத அளவுக்கு மின் இணைப்புகள் துண்டிக்கப்பட்டதாகவும் கூறப்படுகிறது. இயற்கை உபாதைக்கு கூட கல்வித்துறை அனுமதி மறுப்பது நியாயமா? என்றும் கேள்வி எழுப்பியுள்ளனர்.