திடீரென இடிந்து விழுந்த மேல்பூச்சு.. கதறி அழும் தாய்.. "எங்களுக்கு ஒரு புள்ள தான் இருக்கு.."

பள்ளியில் 11 ஆம் வகுப்பு அறிவியல் பிரிவு மாணவர்கள் காலையில் வகுப்பறையில் இருந்து படித்துள்ளனர். அப்போது திடீரென வகுப்பறையில் மேல்பூச்சு இடிந்து விழ, அதில் சிக்கிய மாணவர்கள் சந்தோஷ், மணிகண்டன், வெங்கடேசன் காயம் அடைந்தனர். அவர்களுக்கு ஊத்தங்கரை அரசு மருத்துவமனையில் சிகிச்சை அளிக்கப்பட்டது. சம்பவம் தொடர்பாக சிங்காரப்பேட்டை காவல்துறை வழக்குப்பதிவு செய்து விசாரித்து வருகிறது. 2021-22-ல் அப்போதைய நாடாளுமன்ற எம்.பி. டாக்டர் செல்வகுமார் நிதி ஒதுக்கீட்டில் 21.30 லட்சம் ரூபாய் மதிப்பீட்டில் கட்டப்பட்ட கட்டிடம், கடந்த ஜூன் மாதம் பயன்பாட்டுக்கு வந்துள்ளது. வந்து 2 மாதங்களிலே மேல் பூச்சு விழுந்தது மாணவர்கள், பெற்றோர்கள் மத்தியில் பெரும் அதிர்ச்சியை ஏற்படுத்தியுள்ளது.