கொடூரமாய் தாக்கி கொண்ட நபர்கள்..ஹாஸ்பிடலுக்கு சென்றும் தீராத வெறி - தீயாய் பரவும் காட்சிகள்

நிலத்தகராறு காரணமாக இரு தரப்புக்கு நடந்த மோதலில் நால்வர் காயம் அடைந்தனர்.கிருஷ்ணகிரி மாவட்டம், ஒசூர் சுல்தான் பேட்டையை சேர்ந்தவர்கள் ஜான் பாஷா மற்றும் சையத் பாஷாவிற்கும், அதே பகுதியை சேர்ந்த அப்துல் சாயல், கலிமுல்லா ஆகியோரிடையே சில நாட்களாக நிலத்தகராறு இருந்ததாக கூறப்படுகிறது. இந்த நிலையில், மோதல் போக்கு முற்றி ஒருவரை ஒருவர் தாக்கிக் கொண்டனர். இதில் காயமடைந்த நான்கு பேரும் சிகிச்சைக்காக அரசு மருத்துவமனைக்கு சென்ற நிலையில், அங்கும் இருதரப்புக்கு இடையே கைகலப்பானது. பலத்த காயமடைந்த நால்வரும் தனியார் மருத்துவமனைக்கு அனுப்பி வைக்கப்பட்டனர். இந்த சம்பவம் தொடர்பாக போலீசார் வழக்கு பதிவு செய்து விசாரித்து வருகின்றனர். தற்போது இரு தரப்பும் மோதிக் கொள்ளும் வீடியோ காட்சி வெளியாகி பரபரப்பை ஏற்படுத்தியுள்ளது.