காட்டு யானையால் 2 பெண்களுக்கு நடந்த சோகம் - தர்ணாவில் ஈடுபட்ட பொதுமக்கள்

தேன்கனிக்கோட்டை அடுத்துள்ள அன்னியாலம் கிராமத்தை சேர்ந்த வசந்தம்மா மற்றும் தாசரப்பள்ளி கிராமத்தை சேர்ந்த அஸ்வதம்மா ஆகிய 2 பெண்கள் காட்டுயானையால் தாக்கப்பட்டு, உயிரிழந்தனர். இந்நிலையில், தேன்கனிக்கோட்டை செக்போஸ்ட் அருகே அப்பகுதி மக்கள் சாலை மறியலில் ஈடுபட்டனர். இதில், சிபிஐ எம்.எல்.ஏ., ராமச்சந்திரன் உள்ளிட்ட பல்வேறு கட்சியினர் பங்கேற்றனர். அப்போது, காட்டு யானைகளை விரட்ட பொது மக்களுக்கு டார்ச் லைட் வழங்க வேண்டும் உள்ளிட்ட கோரிக்கைகளை முன்வைத்து, கோஷங்கள் எழுப்பப்பட்டது. இதனால், அப்பகுதியில் கடும் போக்குவரத்து நெரிசல் ஏற்பட்டது.