கோயம்பேடு சிக்னலில் நின்ற 9 வாகனங்களை அடித்து தூக்கிய டாரஸ் லாரி...

கோயம்பேடு அருகே கான்கிரீட் கலவை ஏற்றி வந்த டேங்கர் லாரி, சிக்னலுக்காக நின்ற வாகனங்கள் மீது மோதியதில் ஒரு குழந்தை உள்பட 4 பேர் காயமடைந்தனர்.

சென்னை கிண்டியில் கான்கிரீட் கலவையுடன் புறப்பட்ட டேங்கர் லாரி, கோயம்பேடு பேருந்து நிலையம் அருகே சென்றபோது, பிரேக் பழுதாகி, அங்கு சிக்னலுக்காக நின்று கொண்டிருந்த வாகனங்கள் மீது அடுத்தடுத்து மோதியது.

இந்த விபத்தில்​ டூ வீலர், ஆட்டோ, கார்கள் என சுமார் ஏழு வாகனங்கள் சேதம் அடைந்ததுடன், 2 ஆண்கள்,1 பெண், 1 குழந்தை என 4 பேர் காயம் அடைந்தனர். தகவல் அறிந்து சம்பவ இடத்திற்கு வந்த போலீசார், காயம் அடைந்தவர்களை மீட்டு கீழ்ப்பாக்கம் அரசு மருத்துவமனைக்கு அனுப்பி வைத்தனர். டேங்கர் லாரியை ஓட்டி வந்த சென்னை தண்டையார்பேட்டையை சேர்ந்த சுரேஷை கைது செய்து விசாரித்து வருகின்றனர்.