அடிக்கடி கரண்ட் கட்... மின்வாரிய அலுவலகத்தை முற்றுகையிட்ட மக்களுக்கு காத்திருந்த ஷாக்.. வெளியான அதிர்ச்சி வீடியோ

சென்னையை அடுத்த கோவளம் மின்வாரிய அலுவலகத்தில் மதுபாட்டில் இருந்ததை அப்பகுதி மக்கள் வீடியோ எடுத்து இணையத்தில் வெளியிட்டுள்ளனர். செங்கல்பட்டு மாவட்டம், கோவளம், திருப்போரூர் பகுதிகளில் இரவு நேரங்களில் அடிக்கடி மின் தடை ஏற்படுவதாக கூறப்படுகிறது. இதுகுறித்து புகார் தெரிவிக்க மின்வாரியத்தை தொடர்பு கொண்டால், தொலைபேசியை யாரும் எடுப்பதில்லை என்ற புகார்கள் எழுந்தன. இந்நிலையில், பொதுமக்கள் சிலர் நேரடியாக மின்வாரிய அலுவலகத்திற்கு சென்று பார்த்தபோது, வாசலில் பாதி குடித்த மதுபாட்டில் இருந்ததும், மின் வாரிய அலுவலகத்தில் யாரும் பணியில் இல்லாததும் தெரியவந்தது. இதனை அப்பகுதி மக்கள் வீடியோவாக எடுத்து இணையத்தில் பகிர்ந்துள்ளனர்.