ஓடிக்கொண்டிருந்த லாரியில் திடீரென பற்றி எரிந்த தீ...பரபரப்பு காட்சிகள்

கோவை மாவட்டம் மேட்டுப்பாளையத்தில் சிமெண்ட் ஏற்றி வந்த லாரி திடீரென தீ பற்றி எரிந்ததால் பரபரப்பு ஏற்பட்டது.

உதகை சாலையில் வந்த லாரியின் முன்பக்கம் தீப்பிடித்ததை அறிந்த ஓட்டுநர் உடனடியாக லாரியை நிறுத்திவிட்டு இறங்கி தப்பினார். லாரியின் முன்பகுதி முழுவதும் மளமளவென தீ பற்றி எரிய தொடங்கியதால் அக்கம்பக்கத்தினர் உதவியுடன் தீயணைப்பு துறையினர் அதனை அணைத்தனர்.

இந்த சம்பவத்தால் அந்த பகுதியில் சிறிது நேரம் பரபரப்பு ஏற்பட்டது.