வீட்டில் குடும்பத்தினரை கட்டிப்போட்டு லட்சம் லட்சமாக கொள்ளையடித்த கும்பல் பரபரப்பை கிளப்பிய சம்பவம்

கோவை, பீளமேடு பகுதியில் வசித்து வரும் முகமது என்பவரின் வீட்டில் இந்த கொள்ளை சம்பவம் அரங்கேறியிருக்கிறது. தனது தந்தை, மனைவி மற்றும் 2 மகன்களுடன் வசித்து வந்த முகமதுவின் வீட்டிற்குள் அதிகாலையில் புகுந்த கொள்ளையர்கள், ஐவரையும் கட்டிபோட்டு, கத்தியை காட்டி மிரட்டியதாகவும், வீட்டில் இருந்த 40 லட்சம் மதிப்பிலான நகைகளை கொள்ளையடித்து சென்றதாகவும் கூறப்படுகிறது. இதில், 10 லட்ச ரூபாய் பணம் மற்றும் வெளிநாட்டு கரண்சி நோட்டுகளும் திருடப்பட்டதாக கூறப்படும் நிலையில், சம்பவம் குறித்து வழக்குபதிவு செய்துள்ள போலீசார், நான்கு தனிப்படைகள் அமைத்து கொள்ளையர்களை தேடி வருகின்றனர்.