கோவையில் தவறாக நினைத்து வடமாநில இளைஞரை கட்டி வைத்து அடித்த மக்கள்

கோவை மாவட்டம், திம்மம்பாளையம் புதூர் பகுதியில் சந்தேகத்திற்கு இடமான வகையில் வட மாநில இளைஞர் ஒருவர் சுற்றித்திரிந்துள்ளார். குழந்தைகளை திருட வந்தவனாக இருக்கலாம் என சந்தேகமடைந்த கிராமத்து மக்கள், அவரை பிடித்து மின்கம்பத்தில் கட்டிவைத்து, தாக்கியுள்ளனர். இது தொடர்பாக போலீசாருக்கு தகவல் கிடைத்த நிலையில், நேரில் சென்று வடமாநில இளைஞரை மீட்டு சிகிச்சைக்காக மருத்துவமனைக்கு அனுப்பி வைத்தனர். சம்பவம் தொடர்பாக தற்போது போலீஸ் விசாரணை நடைபெற்று வருகிறது.