இன்னும் ஓயாத மரண ஓலம்... அடுத்த ஆபத்தில் 9 மாவட்டங்கள்..

கேரளாவில் கனமழை தொடரும் என, வானிலை ஆய்வு மையம் தெரிவித்துள்ளது.காசர்கோடு, கோழிக்கோடு, மலப்புரம், ஆலப்புழா, இடுக்கி, எர்ணாகுளம், கோட்டயம், பத்தனம்திட்டா, திருவனந்தபுரம் ஆகிய மாவட்டங்களுக்கு ஆரஞ்சு எச்சரிக்கை விடுக்கப்பட்டுள்ளது. மீதமுள்ள 5 மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது.

கடந்த சில நாட்களாக கனமழை பெய்து வரும் பகுதிகளில் மிகுந்த எச்சரிக்கை விடுக்கப்பட்டுள்ளது. நிலச்சரிவு, மண்சரிவு மற்றும் திடீர் வெள்ளம் ஏற்படும் பகுதிகளில் இருந்து மக்கள் விலகி இருக்க வேண்டும் என்றும், நீர்நிலைகளில் நுழைய வேண்டாம் என்றும் அறிவுறுத்தப்பட்டுள்ளது. கேரள கடல் பகுதிகளில் மீன்பிடிப்பதற்கான தடை தொடர்வதாகவும், கடல் அலை சீற்றமாக காணப்படும் என்றும், கடலோர மக்களுக்கு முன்னெச்சரிக்கை விடுக்கப்பட்டுள்ளது.